Kino en Esperanto rete

Ligilo al la unua parto

Ligilo al la dua parto

Daŭro: 2 horoj 4 minutoj

Nun vi povas spekti en Esperanto kinoversion de la klasika rusa komedio de Nikolaj Gogol. Kion do eblas pri la filmo kaj pri la teatraĵo mem?… Ĉi tie onin atendas evidenta obstaklo; estas konate, kian sorton kutime havas klasikaj libroj - oni studas ilin en lernejo, mencias ilin kun respekto, citas konatajn frazojn - sed oni ne emas legi ilin refoje. Tial, kiam oni volas paroli ion freŝan pri klasikaĵo, tio montriĝas ne facila.

Tamen, mi povas diri, ke kiam mi denove legis la Esperantan tradukon de “La Revizoro”, pretigante la subtitolojn, mi ekvidis, ke ĝi tute ne malaktualiĝis dum pli, ol cent kvindek jaroj! Al praktike ĉiu detalo de la komedio oni povas trovi analogion en la nuntempa rusia realeco. Ĉu tio estas bona, aŭ ne? De unu flanko, tio atestas, ke ni ne solvis ĝis nun la problemojn, kiuj estis gravaj ankoraŭ en la tempo de Gogol. Aliflanke, espereblas, ke Gogol helpos al ni solvi ilin, ĉar li daŭras resti aktuala hodiaŭ, same kiel li estis aktuala en la malfrua sovetia epoko, kiam teatroj surscenigis multajn klasikajn verkojn kiel aludoj al la stato de la tiama socio. Gogol mem, respondante riproĉojn de kritikistoj, ke en lia komedio estas neniu pozitiva rolulo, diris ke tia rolulo estas, sed oni ne rimarkis lin. Tio estas rido. Do, ridu pli ofte - kaj en la vivo estos pli da pozitivaĵoj.

Kaj koncerne la filmon mi povas diri, ke ĝi prezentas sin bonega, akurata kaj estimanta kinigo de la verko. Oni ekzakte transdonis etoson kaj humoron de la originalo, ĉiuj aktoroj plene kongruas siajn personojn. Igor Gorbaĉov brile ludas “registreton”, “ventkapulon” Ĥlestakov (li precipe sukcesas en la scenoj, kie lia heroo estas ebria ). La urbestro (Jurij Tolubeev) estas esenco de rusia burokrato; ankaŭ hodiaŭ oni povas renkonti multajn tiajn urberstrojn en ĉiu ŝtata oficejo. Zemlanika, Bobĉinskij, la poŝtestro (granda aktoro Erast Garin) aspektas tiel, ke, ŝajne, ili ne povas esti aliaj. Unuvorte, la filmo estas inda por spekti, kaj ne unu fojon.

Elŝuti la fimon (DivX, 700+700 Mb):

Torrent-dosiero:
La Revizoro

Rapidshare.com
Parto 1.1 Parto 2.1
Parto 1.2 Parto 2.2
Parto 1.3 Parto 2.3
Parto 1.4 Parto 2.4
Parto 1.5 Parto 2.5
Parto 1.6 Parto 2.6
Parto 1.7 Parto 2.7

esperanto subtitoloj subtekstoj The+Government+Inspector The+Inspector+General Russian+literature Gogol Russian+cinema Soviet+cinema

Ligilo al la filmo

Daŭro: 13 minutoj

Mi komencas publikigi verkojn de la rusa kinoavangardo de la 1920-aj kaj komenco de la 1930-aj jaroj, kiu estas unu el elstaraj eventoj de la monda kinematografo. Malfermas la serion fragmentoj el “Kino-Pravda” - kinoĵurnalo, kiu estis kreata de fama reĝisoro Dziga Vertov en la komenco de la 1920-aj jaroj. Ĝuste tiam li ellaboris sian teorion de “Kino-Okulo”, vokante rezigni de la teatraj kaj literaturaj principoj en kino; ĝi bezonas tute novajn metodojn reprezenti la realecon. Poste ĉi tiuj ideoj estis demonstritaj en liaj filmoj “Homo kun kamerao” kaj aliaj.

La prezentata filmo estis trovita en la Interreto kaj prezentas sin muntaĵo el fragmentoj de diversaj serieroj de ĵurnalo “Kino-Pravda”. Evidente ĝi estis muntita alilande, kaj pro tio ĝin trafis kelk materialojn, kiuj ŝajne ne rilatas ĝin. Ekzemple, en la oka minuto de la filmo post la intertitolo “Antaŭe ni neniam havis sufiĉe da brutaro por niaj individuaj bezonoj” sekvas fragmento, kiu montras inperiestron Nikolaon la Duan kaj lian filon Alekseon, vizitantajn trupojn. Kompreneble, ĝi ne povis ĉeesti en la originala versio (eble, tamen, ĝi estas memorigo pri la malnova ordo - sed por tiu celo oni elektus pli elokventajn bildojn). Baldaŭ post tio aperas fragmento, kiu montras Lenin-on - ĝi ankaŭ aspektas esti ne en sia loko.

Tamen, ĉi tiu filmo estas interesa ekzemplo de tiama kinokroniko kaj de tiama vivo en Rusio, kiu ĵus komencis resaniĝi por la intercivitana milito. Oni povas vidi kaj pozitivajn bildojn de rekonstruado kaj terurajn atestaĵojn pri malsatantaj infanoj, kiu orfiĝis pro la milito. Ĉio kune aspektas kiel peco de aŭtentika vivo, kiel “kino-pravda” [kino-vero], al kiu strebis Vertov.

Historia noto: menciataj en la filmo socialistoj-revoluciistoj (mallongige eseroj) estis la plej granda maldekstra partio en Rusio en la komenco de la dudeka jarcento. Ili aktive partoprenis en la revolucio de la jaro 1917, kunlaboris kun la bolŝevikoj (fakte, sian agraran programon la bolŝevikoj prenis de la eseroj), sed baldaŭ post kiam la bolŝevikoj prenis la povon la eseroj komencis lukti kontraŭ ili, ankaŭ terorisme. En la jaro 1922 en Moskvo okazis juĝproceso de la estroj de la esera partio, kiuj estis akuzataj pri multaj krimoj, inklude la atencon kontraŭ Lenin en la jaro 1918. Fragmento de ĉi tiu proceso estas demonstrata en la filmo.

Elŝuti la filmon (DivX, 305 Mb):

BitTorrent:
Fragmentoj el Kino-Pravda

Rapidshare.com
Parto 1
Parto 2
Parto 3

esperanto subtitoloj subtekstoj documentary Dziga+Vertov Russian+cinema Soviet+cimena